لست راضياً عن صفقات الزمالك، وممدوح عباس قادر على جلب ميسي

هاجم نجم نادي الزمالك السابق الكابتن بشير التابعي مجلس إدارة نادي الزمالك بسبب ضعف الصفقات التي تعاقد مع الأبيض خلال الميركاتو الحالي.

تصريحات بشير التابعي بشأن صفقات الزمالك الجديدة 

وقال بشير التابعي عبر قناة MBC مصر: لحد دلوقتي مش شايف صفقة اسم تقيل الزمالك جابها زي الأهلي ما بيعمل.. أنا مش مقتنع بالصفقات اللي الزمالك عملها.

وتابع التابعي: ولما بقارنها بصفقات الأهلي بحس بقلق كبير.. الأهلي عامل صفقات تقلق أي منافس.. بن رمضان ممكن يبقى أبو تريكة الجديد في الأهلي.

واستكمل بشير التابعي: لا، زيزو بتاع الزمالك مفيش تجديد ليه، ولو الزمالك كان عايز يجددله كان جدد، بس مفيش رغبة من الطرفين، والزمالك يقدر يجيب ميسي نفسه لو عايز.

وواصل: الراجل اللي بيدعم النادي بقولك دافع مليار جنيه مثلا  ولو كان عايز يجدد لزيزو كان جدد له.

واختتم: أقسم بالله اللي بيدعم نادي الزمالك الاستاذ ممدوح عباس ولو عايز يجيب ميسي هيجيبه عادي بتكلم كأمكانيات علشان محدش يفهم كلامي غلط، بس التحرك مش على نفس المستوى خالص.